गण्डकी प्रदेश सरकार
भौतिक पूर्वाधार विकास तथा यातायात व्यवस्था मन्त्रालय
पूर्वाधार विकास कार्यालय, बाग्लुङ्ग
बाग्लुङ्ग
गण्डकी प्रदेश सरकार
भौतिक पूर्वाधार विकास तथा यातायात व्यवस्था मन्त्रालय
पूर्वाधार विकास कार्यालय, बाग्लुङ्ग
नेपालको संविधान जारी भए पछि संविधानले परिकल्पना गरेकाे संघियताको मर्म अनुरुप गण्डकी प्रदेश स्थापना भए पश्चात नेपालकाे संविधानको धारा ५७ र अनुसुची ६ ले दिएको अधिकारको प्रयोग गरी विभिन्न मन्त्रालयहरु र विषयगत कार्यालयहरु स्थापना गरी कार्यसम्पादन गर्दै जाने क्रममा मुख्यमन्त्री तथा मन्त्रिपरिषदको कार्यालय, गण्डकी प्रदेश पोखराको मिति २०७७/०२/२५ गतेको निर्णयअनुसार भौतिक पूर्वाधार विकास मन्त्रालय,गण्डकी प्रदेशको संगठन र व्यवस्थापन सर्वेक्षण स्वीकृत गरी बागलुङ जिल्लामा स्थापना भएको यस पूर्वाधार विकास कार्यालय बागलुङ विधिवत रुपमा मिति २०७७/०५/०८ गतेदेखि संचालनमा आएको हो । बागलुङ जिल्ला भित्रका १० स्थानीय तहहरु कार्यक्षेत्र भएको यस कार्यालयले विशेष गरी जिल्लामा मोेटरबाटो, मोटरेवल पुल र झोलुङ्गे पुल निर्माण सम्वन्धी कार्य गर्ने गर्दछ । यसका साथै साविकका शहरी विकास तथा भवन कार्यालयले सम्पादन गर्दै आएको भवन निर्माण तथा मर्मत र जनता आवास लगायतका आवास ईकाईहरु जस्ता निर्माण कार्यलाई समेत निरन्तरता दिने कार्यालयको उद्देश्य हो । पूर्वाधार विकास कार्यालय, बागलुङ साविकको शहरी विकास तथा भवन कार्यालय, बागलुङ रहेको स्थान, बागलुङ नगरपालिका वडा नं. २ समिक्षालयटोलमा अवस्थित छ ।
समग्रमा, पूर्वाधार विकास कार्यालय, बागलुङ्गले प्रवाह गर्ने सेवाका क्षेत्रहरु निम्न अनुसार रहेका छन ।
१. प्रादेशिक सडकहरुको निर्माण, स्तरोन्नती तथा मर्मत सम्भार:
प्रादेशिक सडकहरुको निर्माण, स्तरोन्नती तथा मर्मत सम्भार सम्वन्धी कार्यको लागि पूर्वाधार विकास कार्यालय, बागलुङ्ग अन्तर्गत तल उल्लेखित कार्यक्रमहरु संचालनमा रहेका छन ।
२. प्रादेशिक सडकहरुमा सडकपुल निर्माण गर्ने कार्य
३. झोलुङ्गेपुलहरुको निर्माण कार्य
४. भवन, आवास तथा शहरी विकास सम्वन्धी कार्यहरु
५. अन्य प्राविधिक सहयोग तथा परामर्श सम्वन्धी कार्यहरु
© सर्वाधिकार सुरक्षित पूर्वाधार विकास कार्यालय, बाग्लुङ्ग
Powered By: ProActive Developers